ҚР ӘҚБтК 460-1 бабының 1-бөлігі[1] бойынша, шет мемлекеттерден, халықаралық және шетелдік ұйымдардан, шетелдіктерден, азаматтығы жоқ адамдардан ақша және (немесе) өзге де мүлік алу туралы мемлекеттік кіріс органдарын Қазақстан Республикасының салық заңнамасында көзделген мерзімдерде және жағдайларда хабардар етпеу, сондай-ақ оларды алғаны және жұмсағаны туралы мәліметтерді ұсынбау немесе уақтылы ұсынбау жеке тұлғаларға – елу, коммерциялық емес ұйымдарға – бір жүз айлық есептiк көрсеткiш мөлшерiнде айыппұл салуға әкеп соғады.

Осы баптың 2-бөлігі бойынша, осы баптың бірінші бөлігінде көрсетілген анық емес немесе көрінеу жалған мәліметтер беру қызметін тоқтата отырып, жеке тұлғаларға – бір жүз, коммерциялық емес ұйымдарға – екі жүз айлық есептiк көрсеткiш мөлшерiнде айыппұл салуға әкеп соғады.

ҚР ӘҚБтК 460-1 бабының 3-бөлігінде осы баптың бірінші және екінші бөліктерінде көзделген, әкімшілік жаза қолданылғаннан кейін бір жыл ішінде қайталап жасалған әрекеттер (әрекетсіздік) үшін қызметіне тыйым сала отырып, жеке тұлғаларға – бір жүз елу, коммерциялық емес ұйымдарға – екі жүз елу айлық есептiк көрсеткiш мөлшерiнде айыппұл салынатыны көрсетілген.